Tơ̆ jơ pơma đam, Kơdră Kuô̆k hô̆i Trần Thanh Mẫn sơkơ̆t hơdah Việt Nam lăng tơgĭt tơdrong jang tơbôl juăt jue păng jang hơdoi lơ tơdrong jang kơ ƀar teh đak, lăng Panama jĭ teh đak vang jang dơnơm tơ̆ tơring Mi Latinh. Kơdră Kuô̆k hô̆i ră hơdah, Kuô̆k hô̆i Việt Nam tơgŭm kơtang hăm dôm trong tơlĕch jang tơbôl kơ 2 teh đak hlôi đei drơ̆ng nơ̆r, dôm tơchơ̆t pơdrơ̆ng đei kĭ pơkăp ƀơ̆t 'măng năm tơmang đơ̆ng Kơdră teh đak, pơkăp yak hơdoi păng pơjing trong jang khôi luơ̆t ƀônh hiôk vă jang kiơ̆ dôm tơchơ̆t jang kơ 2 pah, pơm jang kiơ̆ mŭk drăm jang hơdoi oei đei lơ kơ 2 teh đak.

Gah jang hơdoi kơ hơnih chih akŏm khôi luơ̆t kơ 2 teh đak, Kơdră teh đak Panama  drơ̆ng nơ̆r tơgŭm hơtŏk tơdrong asong khul kơpal kơ Kuô̆k hô̆i Panama hăm Kuô̆k hô̆i Việt Nam, pơma đam gah chih akŏm khôi luơ̆t păng tơdrong jang kơ rim Hơnih jang chih akŏm khôi luơ̆t kơ 2 teh đak; iŏk yua tơnăp hloh dơ̆ng sơnong jang kơ hơnih chih akŏm khôi luơ̆t lơ̆m tơdrong pơjing khôi luơ̆t ƀônh hiôk ăn tơdrong jang tơbôl 2 pah, tơgŭm tơroh dôm hơnih jang kơ Jơnŭm pơgơ̆r teh đak – tơring – hơnih jang mŭk drăm păng tơgŭm pơklaih dôm tơdrong tơhlăk, hơtŏk dôm trong hiôk jang hơdoi hơdah.