Atŭm hăm ‘nŏh, dêh char pơm ‘lơ̆ng dôm tơdrong gĭt kăl găh jơhnơr arih, joh ayŏ kơ dŏ xoang, tơdrong juăt, tơring teh, khul linh, vei sơđơ̆ng teh đak păng tơdrong tơguăt hơdai bri brăh hăm tơring kon pơlei oei xa. Kiơ̆ đơ̆ng chă hơlen năng, 124 xăh, phường, tơring gĭt kăl tơ̆ dêh char dang ei đei hlŏh 2.770 pơlei pơla, kueng kơphô̆. Trong tơmât hơdai blŭng a tơchĕng adrol tơjur pă hlŏh 1.200 pơlei pơla, kueng kơphô̆, hơtŏ hăm jur hlŏh 43%.

Mă lei, vă hơtŏk tơdrong đei yoa mưh vei lăng păng pơm lăp hăm tơdrong ‘mĕh vă jang tŏk lơ̆m chăl ‘nao, dôm tơring oei hơnơ̆ng hơlen năng, adrin kăt tơjur đơ̆ng 50% tŏk tơ̆ kơpal. Tơchĕng adrol 10/6, Anih vei lăng kon pơlei dêh char vă tơlĕch trong jang atŭm găh hơmet ming, tơmât dơ̆ng pơlei pơla, kueng kơphô̆, pơih trong vă dôm xăh chih pơjing trong jang mă hơdăh tơ̆ tơring.