Lơ̆m jê̆ 30.000 hô sơ hla bar hanh chĭn mă dêh char Lâm Đồng hlôi iŏk đei, tơdrong pơm hla bar trŏ nhen tơchơ̆t truh 97%; đei tơroh hăm trong pơkăp kŏng kơ teh đak hloh  2.200 hla bar. Dêh char Lâm Đồng dang ei dơ̆ng mă 7  lơ̆m 34 dêh char, pơlei tơm gah tơdrong pơm jang kiơ̆ pơkăp Cổng dich vŭ kŏng kơ teh đak. Sơkơ̆t hơdah iŏk kon bơngai pơm tơm, dêh char Lâm Đồng tŏk bŏk oei akŏm sek tơlang dôm tơdrong oei kơƀah, ưh đei hơtŏ gah kang ƀô̆ jang gah kŏng ngê̆ thŏng tin, mŭk drăm cham char tơ̆ xah.

Atŭm hăm noh hơmet gah hơnih jang kih thuơ̆t, kơmăi kơmŏk tam mă đei tôm kiơ̆ tơdrong kăl vă pơm jang; tenh kuăng pơih dôm lăm pơhrăm gah tơdrong juăt jang, asong tơdrong chih akŏm ăn rim tơdrong jang, rim hơnih jang.