Tơdrong jang ‘nâu đei jên jang vă jê̆ 10.000 ti, trong kơjung vă jê̆ 145 km, xă 6 tŏ gre kơdâu, man 2 tŏ gơng Phú Hài păng Cà Ty kŭm hăm vă jê̆ 85 ha teh ƀŭ iŏk jih đak dơsĭ. Anih tơmât jên jang đei athei jăh pơm pơkeh hla ar, tơroi ăn Anih vei lăng tơdrong tơmât jên jang ming man kơsô̆ 2 adrol kơ ‘năr 30/9/2026.

Mưh jang đang, trong ‘nâu đei hơmĕng pơih đei tơring kơdrâm xă ‘lơ̆ng, hơtŏk trong yak vih vât hiôk hian, tưk tơiung tơdrong chă tơmang lăng, pơvih pơvăn păng hơtŏk tơdrong đei yoa mưh iŏk yoa teh tơter đak dơsĭ. Anih vei lăng kon pơlei dêh char Lâm Đồng pơjao ăn dôm anih jang kơpal, anih jang đei ƀơm truh tơchĕng hơlen, chă trong hơmet pơ ‘lơ̆ng dôm tơdrong pơmat tat, tơhlăk tăk mưh bơ̆ jang, chih hơdăh teh vă thu jên iŏk yoa teh, jên thuê teh, chih hơdăh kơjă teh vă kla, yă teh vă iŏk jên kla ăn tơdrong jang.