Vă pơvih ăn hop akŏm, 4 grŭp tơgŭm kơ Khŭl Pơgơ̆r ‘noh: Kơtơ̆ng ang  - Roi tơbăt; tơgŭm; vei sơđơ̆ng păng vei lăng jơhngơ̆m pran bơngai tang măt tŏk bŏk hơdrin tơlĕch jang hơnăp jang kiơ̆ trong tơlĕch jang, mă loi ‘noh tơ̆ dôm tơdrong tơmam drăm, sơng iŏk, roi tơbăt, jang pơgang păng vei lăng sơđơ̆ng.

Tơdrong jang vei lăng sơđơ̆ng hlôi đei khŭl lĭnh kŏng an, ƀô̆ đô̆i pơjing trong jang hơdăh, hrơ̆ch, khŏm tơ jră rim tơdrong đei ƀôh, hơdrol, lơ̆m păng đơ̆ng rŏng hop akŏm. Hăm tơdrong mơ̆t jang kơchăng, tơnăp đơ̆ng rim khŭl lĭnh kơpal, dêh char Lâm Đồng tŏk bŏk jang pơkeh tơdrong jang hơmet ăn, hơmet tôm ăn tơdrong jang chĭnh trĭ gĭt kăl. Kiơ̆ trong tơlĕch jang, Hop akŏm gô pơgơ̆r đơ̆ng ‘năr 9 – 11/10/2025 hăm 498 ‘nu bơngai tang măt vang akŏm, ‘noh đei 92 ‘nu bơngai tang măt oei bơ̆jang păng 406 ‘nu bơngai tang găn đei athei.