Lâm Đồng hơmet pơ ‘lơ̆ng anih teh hơlih tôch hơmơt tơ̆ trong krang Prenn Đà Lạt
Thứ tư, 09:12, 15/07/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar - Mĭnh anih teh hơlih păih kông tôch hơmơt tơ̆ trong krang Prenn- Trong gre 20, ‘măng mât lĕch păih Pơbăh kơ Đà Lạt, dêh char Lâm Đồng tŏk bŏk đei anih jang kơpal hơmet ming vă găn ưh ăn teh hơlih dơ̆ng lơ̆m pơyan ‘mi.
Tơ̆ Anih teh hơlih hơtăih kơ trong krang dang 50 met, kơjung hlŏh 100 met, anih jang oei iŏk kơmăy chưk hơmet teh tơmo, tơm ‘long hơngo păk, pơm lơ kơnao vă găn ưh ăn teh hơlih dơ̆ng.
Hơmơt hlŏh ƀât anih teh hơlih âu đei lơ tơmo tih tơ̆ kơpal tôch hơmơt huŏng jur tơ̆ hơla trong. Vă vei lăng sơđơ̆ng ‘lơ̆ng ăn gre yak vih vât, anih jang iŏk yoa tơnăr găn teh tơmo hơlih đơ̆ng kơpal; găn ƀiơ̆ gre kơdâu 1 păh trong ƀât anih hơlih. Tơchĕng adrol tơdrong hơmet pơ ‘lơ̆ng anih teh hơlih gô jang đang lơ̆m 4 năr tơdăh ‘năr tŏ ‘lơ̆ng./.
Viết bình luận