Truh dang ei, Anih pơgơ̆r Pôk rơih dêh char Lâm Đồng tơlê̆ch ăn 159 hla ar pơgơ̆r gơih truh 124 xăh, phường păng tơring gĭt kăl, pơtho hơdăh rim tơdrong, vei sơđơ̆ng tơlĕch jang ‘lơ̆ng, ƀlep tơdrong hơgăt đơ̆ng Trung ương păng vă đĭ đăng rim hơnăp jang đei jang đang hơdrol khei ‘năr hơgăt tơlĕch ăn. Rim anih joăt jang tŭn pran tơplih kơsô̆, iŏk yua kơmăy kơmŏk roi tơbăt lơ̆m tơdrong jang pôk rơih. Tơdrong jang in tơlĕch hla ar pơyua ăn pôk rơih đei bơ̆jang hăt hot, trŏ ƀlep.

Pơđĭ hơnăn bơngai lĕch pơjei kiơ̆ rim anih jang pôk rơih, chih tơroi tơdrong jang, hŏk pơhrăm, bơ̆jang păng 20 kơ loăi hla ar ƀơm truh hăm akŏm kơsô̆ hloh 6,6 triệu trang hlôi đei in tơlĕch, asong tôm truh 124 xăh, phường păng tơring gĭt kăl lơ̆m dêh char. Anih jang Nội vụ Lâm Đồng hlôi pơgơ̆r lơ lăm pơhrăm ăn dôm anih jang pôk rơih tơ̆ tơring păng tŏk bŏk hơnơ̆ng pơhrăm ăn dôm bơngai jang lơ̆m 2.301 Grŭp pôk rơih.