Kiơ̆ tơdrong đei chih akŏm, 6 khei kơ ou, mŭk drăm – tơpôl kơ Lâm Đồng pơtoi đei jơnei ƀôh hơdah mă lei adoi oei ƀơm lơ tơnap tap. Hơtŏk gah GRDP đei jê̆ 8%, ưh đei jơnei nhen tơchơ̆t tơlĕch noh hloh 9,3%; tơring jang kŏng ngĭp – ming man păng tĕch pơdro tŏk kơđeh hloh kơ pơkăp. Tơmam drăm tĕch ăn teh đak đe tơjur pơtêng hăm khei năr ou sơnăm sơ̆; jên asong jang kơ teh đak đei  jê̆  14% tơdrong pơjao jang; hơmet 'lơ̆ng hanh chinh, tơplih kơsô̆ tơ̆ minh ƀar tơring oei adar, tam mă drơ̆ng minh.

'Măng hop akŏm dăr lăng, pơma đam păng hơlen 24 tơchơ̆t gah tơdrong tơgŭm hơtŏk mŭk drăm – tơpôl, asong jang ăn teh đak, asong jên jang, pơyua ăn tơpôl păng pơm jang kơ jơnŭm pơgơ̆r tơring; atŭm hăm noh pơkăp bơngai jang kiơ̆ sơnong po, jet apinh păng tơl nơ̆r hăm dôm tơdrong đei bơngai tah hla păng kon pơlei tơrĕk truh. 'Măng hop akŏm đei pơgơ̆r truh năr 2/7.