Mă lei, truh đĭ khei 10, jơ̆p dêh char pơtơm asong đei jê̆ 30% tơdrong pơjao jang. Minh ƀar tơdrong jang tih mă lei jên asong jang kơđeh hloh, mă kăl gah 2 tơdrong jang man trong kơdou hrenh Bảo Lộc - Liên Khương păng Tân Phú - Bảo Lộc, hăm kơsô̆ jên pơkăp hloh 5.000 tih hlj mă lei tam mă asong jên jang. Tơdrong tơm noh kơyuơ tơhlăk lơ̆m tơdrong hrŭ 'mong teh iŏk ming man, atŭm hăm 'mi lơ păng tơdrong jang kơ dôm anih iŏk ming man ưh đei tenh. Hăm tơdrong asong jên jang adar, Anih jang vei lăng kon pơlei dêh char Lâm Đồng hlôi athei dôm anih iŏk ming man jang tơnăp hloh, tơguăt kơjăp hăm tơdrong jang, hơtŏk chă hơlen, păng khŏm mă sek tơlang hăm dôm anih iŏk ming man adar.

Atŭm hăm noh, Anih jang vei lăng kon pơlei dôm xah, phương, anih jang tơm đei tơdrong ming man noh dah akŏm tenh hrŭ 'mong teh iŏk ming man, pơm jang hloi ah năr pơdơh, vei sơđơ̆ng pơjao teh ming man sơđơ̆ng 'lơ̆ng ăn dôm tơdrong ming man kăl. Rim anih jang đei tơrĕk adoi đei pơjao jang hơdoi kơjăp, sek tơlang tơnăp dôm tơdrong tơhlăk tơhlĭn gah kơjă teh, hla bar pơkăp ming man, păng tơroi tơbang tơdrong jang kiơ̆ tơchơ̆t ăn Anih jang vei lăng kon pơlei dêh char.