Lơ̆m dêh char Lâm Đồng dang ei đĭ đăng anih jang kơ teh đak, tơring tơrang đei mang ngăl, roi tơƀôh hơdăh trong pơm 2.310 kơloăi hla ar vei lăng. Kơsô̆ hla ar đei pơm đang tơ̆ xăh trŏ năr pơkă truh 98,38%, jing “anih ang hơdăh” lơ̆m tơdrong hơmet ming trong pơm hla ar vei lăng. Tơdrong tơlĕch jên jang hrơ̆ch ‘lơ̆ng, tơklep hăm hơtŏk tơdrong jang tơplih hăm kơmăy sô̆ oei tơgŭm ăn rim xăh tơ̆ dêh char Lâm Đồng jing “anih gơnang yoa tôch hơđơ̆ng” jê̆ kon pơlei, jang tơnăp lơ̆m rim tơdrong, pơvih ăn kon pơlei roi đunh roi hrĕnh, rơđăh rơđong păng đei yoa ‘lơ̆ng.