Sơnăm 2022, akŏp tơlĕch jang jên tơmơ̆t jên jang teh đak đơ̆ng dêh char Lâm Đồng đei klăih song ‘noh vă jê̆ 6.500 ti hlak jên vă iŏk jang 350 tơdrong jang. Lơ̆m noh, đei 722 ti hlak jên ‘noh jên pơdui đunh đơ̆ng sơnăm 2021 tơplih ăn. Jô̆ truh ‘năr 15/11, dêh char lăp ‘nao tơlĕch jên jang đei 3.694 ti hlak jên, iŏk đei 68,5% trong tơlĕch jang.

Tơ̆ hơnăp tơdrong jên tơmơ̆t jang teh đak lơ̆m tơring tơlĕch tôch kơ hiơ̆, ƀok Trần Văn Hiệp, Kơdră chĕp kơ̆l Anih vei lăng kon pơlei dêh char Lâm Đồng tơbăt gô khŏm sek phak hơnăp jang hăm dôm tơ ‘ngla tơmơ̆t jên jang tơdăh ưh kơ vei sơ đơ̆ng tơlĕch jên jang kiơ̆ ƀlep trong tơlĕch jang. Truh hơtuch sơnăm, anih jang hơyơ ưh kơ tơlĕch jên jang đei ‘noh athei iŏk pơdreo jên păng ưh kơ kơ asong dơ̆ng, pŭ iŏk tơdrong jang mơ lôh mơ lônh. Păng hơnăp jang đơ̆ng găh Kơdră chĕp kơ̆l păng kơdră vei lăng dôm anih jang.