Tơdrong jang kiơ̆ đei tơlĕch jang tơpăt, hơdăh, lăng truh hơtŏk iŏk đei jơnei chĕp pơgơ̆r păng iŏk yoa jơnei khul jang. Kiơ̆ dăr lăng đơ̆ng dêh char Lâm Đồng, hrei ou dêh char đei 2.773 pơlei, koeng kơphô̆. Jang kiơ̆ nơ̆r pơrô̆ đơ̆ng Hơnih Đảng dêh char, rim tơring tŏk bŏk iung jang pơm pơkeh trong jang vă tơjur 50% pơlei, koeng kơphô̆ lăp đơ̆ng rŏng proh hơmet. Đơ̆ng tơdrong lăp đon đơ̆ng kon pơlei păng kơrŭn đĭ ai đơ̆ng khul kơdră tơring, tơdrong proh hơmet pơlei, koeng kơphô̆ tŏk bŏk pơjing đei hơyak jơnei lơ̆m vei lăng, pơvih pơvăn ăn kon pơlei ‘lơ̆ng hơ iă hloh, trŏ lăp hăm trong ‘meh vă atŏk tơ iung lơ̆m jăl ‘nao.