Tang măt ăn rim kơdră chĕp pơgơ̆r Đảng, teh đak pôk ăn hla bơar tơchơ̆t Khul Kŏng ang kon pơlei nuih mơng ăn kơ Học viên An ninh nhân dân, Tổng Bí thư, Kơdră chĕp pơgơ̆r Teh đak Tô Lâm sơkơ̆t hơdăh, hơnăp jang, hơnih dơ̆ng tơm lơ̆m pơtho pơhrăm, chă tơchĕng hơlen khoa hŏk tơm dơnơm kơ Khul Kŏng ang kon pơlei hăm tơdrong iung jang kơtang pơgơ̆r chă tơchĕng hơlen khoa hŏk, vang iung jang hơlen hơdăh trong chă tơchĕng hơlen lý luận, Học viện hlôi tơgop gĭt kăl lơ̆m tơ iung pơjing trong lý luận bơ̆ jang vei lăng sơđơ̆ng teh đak Việt Nam. Tổng Bí thư, Kơdră chĕp pơgơ̆r teh đak Tô Lâm athei, Học viện kăl pơjing atŏk tơ iung ‘nao kơ Học viện đơ̆ng hơnih tơm pơtho pơjing chă tơchĕng hơlen khoa hok tơm dơnơm kơ khul Kŏng ang kon pơlei hrei ou jing hơnih tơm pơtho pơhrăm chă tơchĕng hơlen tơm dơnơm kơ teh đak hơtŏ hăm apŭng plĕnh teh lơ̆m sơnăm 2045 lơ̆m jơ ‘năr tơbăt 100 sơnăm Năr joăt joe khul kŏng ang kon pơlei.