Truh dang ei tơdrong jang pơm hơmet ming Trong gre 28B hlôi pơm tuh tơmoi iĕ đei 44/62 km, tuh ƀê tŏng nhuơ̆ kơjăp dang 37/62 km. Tơdrong jang iŏk pơ ‘ngoăih teh hlôi jang đang 95%. Tơdrong jang âu ‘noh hiơ̆ pơting hăm ‘meh vă. Tơdrong tơm găh lơ yua đơ̆ng 1,2 ‘nu bơngai iŏk jang tam mă hơvơn tôm kơmăy kơmŏk, tơmam, bơngai jang, ƀơ̆t mă tơ ‘ngla tơmơ̆t jên jang ưh kơ đei hơdrin athei jang mă ƀrĕ.

Hơlen lăng yan âu, Kơdră Anih vei lăng kon pơlei dêh char Hồ Văn Mười pơma hơdăh, Trong gre 28B ‘noh jĭ trong tơm, “tơchơ̆t iŏk jơnei dăh mă ưh đơ̆ng Lâm Đồng lơ̆m sơnăm 2026”, ưh kơ gơh pơtă yua đơ̆ng hiơ̆ pơjao teh vă tơroi pơm rơđăh ăn tơdrong jang hiơ̆ hyĭn. Ƀok pơma hơdăh: “Tơdăh bơngai iŏk jang kơ kĕ tơrăn, ưh kơ pơm lăp hăm ‘meh vă, athei tơplih; tơdăh tơ ‘ngla tơmơ̆t jên jang ưh kơ kĕ vei lăng, kŭm athei tơplih hloi”.

Ƀok Hồ Văn Mười athei rim anih jang ƀơm truh chih pơkeh hla ar hô sơ, kĭ ăn trong jang hrŭ ‘mong uơ oei dơ̆ng hơdrol kơ ‘năr 30/10/2025. Hơdai hăm, lơ̆m giĕng ‘nâu athei pơjing trong hơdăh, vei sơđơ̆ng jang đang đĭ jăl trong hơdrol kơ ‘năr 31/12/2025 kiơ̆ trong tơlĕch jang.