VOV4.Bahnar - ‘Năr 26/7, Khul dăr lăng đơ̆ng Kuô̆k hô̆i yoa Thượng tướng Trần Quang Phương, Kơ dră jang lơ̆m Trung ương Đảng, Phŏ Kơ dră Kuô̆k hô̆i chĕp kơ̆l đei jơ bơ̆ jang hăm Dơ nŏ anih vei lăng kon pơ lei dêh char Lâm Đồng găh tơ drong ‘mơ ‘met, tang găn pơ huach kư̆ kă đơ̆ng 2016 – 2021.

Jơ bơ̆ jang

Khei ‘năr âu ki, Lâm Đồng akŏm jơ hngâm vei kơ jăp tơ drong thu mong, tơ lĕch jên jang tĕh đak, pơm ‘lơ̆ng thu trŏ, thu tôm, ưh ăn đei hiong jên thu păng tơ jur ƀiơ̆ tơ drong hre thuê̆. Atŭm hăm ‘nŏh, vei lăng ‘lơ̆ng tơ drong tơ lĕch jên hlŏh tơ drong lơ̆m rim sơ năm. Lơ̆m nŏh, ‘mơ ‘met đei 326 ti hlak jên ăn tơ drong jang pơm hla ar, hlŏh 23 ti 800 triu hlak jên pơ tho pơ hrăm, hlŏh 23 ti 500 triu hlak jên ăn tơ drong jang pơ gang... 

Pơ ma lơ̆m jơ bơ̆ jang, tang măt ăn khul dăr lăng, Thượng tướng Trần Quang Phương, Phŏ Kơ dră Kuô̆k hô̆i tơ chĕng ‘lơ̆ng tơ drong adrin đơ̆ng dêh char Lâm Đồng mưh bơ̆ jang kiơ̆ trong ‘mơ ‘met, tang găn pơ huach kư̆ kă đơ̆ng 2016 – 2021. Atŭm hăm ‘nŏh, athei dêh char tơ rĕk hlŏh dơ̆ng truh tơ drong jang hơ met ming trong pơm hla ar, pơm tơ̆ 1 anih, athei Lâm Đồng hơ nơ̆ng hơ len năng, sek tơ lang dôm tơ drong tơ kêng ƀơm truh tơ̆ tĕh. Tơ rĕk hlŏh dơ̆ng truh tơ drong ‘lơ̆ng đơ̆ng Đà Lạt, atŏk tơ iung trong nơ năm mă ‘lơ̆ng ƀiơ̆, lăp hăm trong jang tŏk đơ̆ng apŭng plenh tĕh.

Dơ̆ng: Tơ blơ̆