VOV4.Bahnar - Pơ gê ‘năr 29/8, tơ̆ pơ lei tơm Đà Lạt, Khŭl vei lăng pơ trŭt hŏk Lâm Đồng păng Khŭl chĕp kơ̆l lui Phât Việt Nam hlôi pơ gơ̆r pơ jao hŏk ƀŏng păng asong tơ mam ăn kơ hŏk tro, sinh viên dơ nuh hin pơ nam kơ hŏk ƀlep ƀơ̆t pơ gơ̆r mơ̆t hŏk ƀlŭng sơ năm hŏk ‘nao 2022-2023. ‘Ngoăih kơ 50 kơ suơ̆t hŏk ƀŏng đei kơ jă 1 kơ suơ̆t 1 triệu hlak jên đei pơ jao ăn kơ đe hŏk tro, sinh viên dơ nuh hin pơ nam kơ hŏk tơ̆ pơ lei tơm Đà Lạt păng apŭng Lạc Dương, Khŭl vei lăng pơ trut hŏk Lâm Đồng păng Khŭl chĕp kơ̆l lui Phât Việt Nam oei pơ jao 200 tơ pu tơ mam ‘noh đei jên măt păng dôm tơ mam yua ăn hŏk tro, bơ ngai jo jăn, bơ ngai măt tol, ŭnh hnam đei tơ drong arih sa mơ mat tat.

Pơ jao hŏk ƀŏng ăn hŏk tro dơ nuh hin pơ nam kơ hŏk

Lơ̆m noh, 50 tơ pu tơ mam ‘măn ăn bơ ngai kon kông dơ nuh hin tơ̆ xăh Phi Liêng, apŭng Đam Rông, dêh char Lâm Đồng. ‘Nâu jĭ kơ sô̆ jên yua đơ̆ng bơ ngai đei jơ hngơ̆m đon ‘mêm mơ nat lơ̆m tơ ring tơ gop.

Thuem: Tơ blơ̆