Dang ei lơ̆m dêh char Lâm Đồng đei truh 93 xăh, phường tam mă đei bơngai jang tơpă găh kơmăy kơmŏk, 60 tơring ưh kơmăh bơngai jang găh tơmam drăm păng cham char, 33 xăh ưh kơmăh kăn ƀô̆ vei lăng tơdrong ming man, păng lơ tơring oei ưh kơmăh bơngai jang găh dôm tơdrong kăl nhen tư phap, kế toán, vei lăng teh…

Pơngơ̆t loi dơ̆ng, 1,2 tơring truh dang ei oei tam mă hơmet tôm kơchư̆k chĕp kơ̆l, ƀơm ưh ‘lơ̆ng truh tơdrong jang đơ̆ng khul Khul kơdră vei lăng tơ̆ tơring. Kiơ̆ ƀok Hồ Văn Mười – Kơdră vei lăng kon pơlei dêh char Lâm Đồng, tơdrong ưh kơmăh bơngai jang tơ̆ xăh hlôi jing tơdrong tôch gĭt kăl, tơdăh ưh jăh sek tơlang tơtom ‘nŏh gô găn lê̆ trong pơgơ̆r vei lăng teh đak, pơm hiơ̆ hyĭn tơdrong bơ̆ jang, pơm hla ar păng tơjur đon lui đơ̆ng kon pơlei, anih tĕch mơdro hăm khul kơdră pơgơ̆r.