Lâm Đồng pơgơ̆r jang “Têt pơtăm ‘long ling lang ƀlŏk hơdơ̆r kơ Ƀok Hô Bác Hồ”
Thứ tư, 10:00, 20/05/2026
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV.Bahnar - Ƀlep lơ̆m Năr tơbăt 136 sơnăm Năr rơneh Kơdră chĕp pơgơ̆r Teh đak Hồ Chí Minh, năr 19/5, Hơnih vei lăng kon pơlei dêh char Lâm Đồng pơgơ̆r Pơm lêh iung jang “Têt pơtăm ‘long ling lang ƀlŏk hơdơ̆r kơ Ƀok Hô” păng pơtăm ‘long bri akŏm, pơtăm ‘long răh rap sơnăm 2026.
‘Măng pơgơ̆r ou đei iung jang tơ̆ Cham să Mai Anh Đào, Hơnih tơmang pơhiơ̆ Teh đak Dơnou Tuyền Lâm, phương Xuân Hương - Đà Lạt. Lăp đơ̆ng rŏng pơm lêh iung jang, kơdră chĕp pơgơ̆r dêh char atŭm hăm lơ kang ƀô̆, đoàn viên, hơdruh tơdăm păng kon pơlei vang pơtăm 1.000 dơnơm ‘long pơm yơ̆p, găh lơ ‘long mai anh đào tăp dăr dơnou Tuyền Lâm. Sơnăm 2026, Lâm Đồng hơdrin pơtăm đei 2.345ha bri ‘long akŏm păng hloh 1 triu 600.000 dơnơm pơtăm rah rap.
Viết bình luận