Tơdrong tơm đơ̆ng dêh char ‘nŏh vă hơtŏk tơdrong gơ̆h yoa nơ̆r teh đak đe ăn hŏk tro, pơm lăp hăm  tơdrong ‘mĕh vă hŏk pơhrăm, pơma nuh, hŏk iŏk tơdrong rơgei, khoa hŏk – kơmăy kơmŏk păng mât hơdai hăm apŭng plenh teh; atŭm hăm ‘nŏh vang tơgop pơm hơtŏk khul bơngai jang găh rim tơdrong pran ‘lơ̆ng nhen chă tơmang lăng, pơvih pơvăn, choh jang xa hăm kơmăy kơmŏk ‘nao păng jang hơdoi hăm apŭng plenh teh. Hăm tơdrong pơtho hŏk phô thŏng, dêh char vă hơlen năng tơdrong ‘mĕh hŏk nơ̆r teh đak đe ‘ngoăih kơ nơ̆r Anh, hơnơ̆ng vei kơjăp tơdrong pơtho nơ̆r Phalăng tơ̆ dôm hnam hŏk đei tôm tơdrong kăl; atŭm hăm ‘nŏh tơlĕch jang pơlong năng tơdrong pơtho nơ̆r Campuchia, mă loi tơ̆ dôm xăh tơring sơlam.

Tơchĕng adrol, lơ̆m jăl mă blŭng vă pơgơ̆r pơtho tơ̆ 2 Hnam trưng jăl ƀar, đei dang 15% kơsô̆ hnam trưng tơ̆ tơring âu. Tơdrong pơtho pơlong năng nơ̆r Campuchia tơ̆ dôm xăh sơlam ưh lăp vang tơgop pơm hơtŏk tơdrong ‘lơ̆ng mưh pơtho hŏk nơ̆r teh đak đe đĕch, mă oei hơtŏk tơdrong pơvei đơ̆ng kon pơlei, tưk tơiung tơdrong jang hơdoi găh mŭk drăm, tơpôl, vei kơjăp tơdrong sơđơ̆ng teh đak, lăp hăm trong vă mât jang hơdoi păng jang tŏk pran kơjăp đơ̆ng dêh char Lâm Đồng lơ̆m chăl 'nao.