Kơdră Hơnih chĕp pơgơ̆r ‘noh Kơ iĕng Kơdră chĕp pơgơ̆r Hơnih vei lăng kon pơlei dêh char Lê Trọng Yên. Hơnih vei lăng Mơdro sa dêh char ‘noh hơnih jang tơm, chiu pŭ tơdrong jang pơchoh trong, adoi apĭnh athei Trung ương hơmet pơ ‘lơ̆ng rim “trong tơhlăk tơhlĭn” găh groi teh, teh chuơh tơmo, pơm hla bơar tơmơ̆t jên jang, ming man. Dang ei dêh char đei 14 tơdrong vă jang ŭnh hơyuh tơring păh Hơlĕch gahw lơ̆m dôm hơnih vă hơmet pơ ‘lơ̆ng kiơ̆ Todrong tơchơ̆t 233 đơ̆ng Khul kơdră Teh đak, đei 6 tơdrong vă jang ŭnh hơyuh kial păng 8 tơdrong vă jang ŭnh hơyuh jơ̆ng ‘năr; lơ̆m ou 12 tơdrong vă jang hlôi tơmơ̆t jang mălei tim mă kla ăn kon jên yoa. Tơdrong tơm kơ yuơ hơgrop pơprŏ jang titan, tơhlăk tơhlĭn găh teh bri, pơm hla bơar. Tơdrong pơjing Hơnih chĕp pơgơ̆r đei hơmŏ atŏk kơtang iung jang hơdoi kơ rim hơnih jang, sơđơ̆ng đei iŏk yoa ăn bơngai tơmơ̆t jên jang, tơgop vei kơjăp sơđơ̆ng ŭnh hơyuh păng pơtrŭt kơtang atŏk tơ iung mŭk drăm-tơpôl.