VOV4.Bahnar - Kơsơ̆ năr 25/5, tơ̆ pơlei tơm Đà Lạt, Dơnŏ anĭh vei lăng Tơdrong jang dêh char Lâm Đồng hlôi pơgơ̆r Pôk bơnê “Hơnĭh mơdro sa kơ yuơ bơngai jang” sơnăm 2022.

Hrei au, Lâm Đồng đei 11.850 hơnĭh mơdro sa, hăm kon jên tơmơ̆t jang sa, mơdro sa 141.000 ti hlak jên. Gơnơm lăng kơ jăp hơmet pơ ‘lơ̆ng trong tơmơ̆t jên jang, lăng ba kơ jăp xek tơlang, hơmet pơ ‘lơ̆ng tơtom dôm tơdrong tơnap tap tơhlăk tơhlĭn păng tơlĕch hrơ̆p mĭnh ‘măng rim trong bơ̆ jang găh tơgŭm djru atŏk tơ iung hơnĭh mơdro sa, rim hơnĭh mơdro sa dêh char Lâm Đồng hlôi roi năr roi atŏk tơ iung kơtang, tơgop gĭt kăl lơ̆m hơmet pơ ‘lơ̆ng tơdrong jang mŭk drăm, pơm sơđơ̆ng erih sa tơpôl, atŏk lơ kon jên thuê̆, pơtrŭt kơtang atŏk tơ iung Mŭk drăm-Tơpôl kơ dêh char. Tơ̆ hop akŏm pôk bơnê đei 30 hơnĭh mơdro sa jang ‘lơ̆ng lơ̆m pơm tơlĕch tĕch mơdro, vei lăng năng tông ăn bơngai jang păng kon pơlei pơla hlôi đei pôk bơnê. Kiơ̆ đơ̆ng Dơnŏ anĭh vei lăng Tơdrong jang dêh char Lâm Đồng, tơdrong pôk bơnê tơtom dôm hơnĭh mơdro sa au gô jing hơyak gĭt kăl vă pơtrŭt, hơlêm păng lang să kơtang hlŏh dơ̆ng tơdrong jang “hơnĭh mơdro sa kơ yuơ bơngai jang” lơ̆m khei năr kơnh.

Tơblơ̆ nơ̆r: Amazưt