Pơtôch, ƀok Nguyễn Văn Phương, rơneh ‘năr 8/2/1966 đei pôk pơm Kơdră chĕp kơ̆l Anih vei lăng kon pơlei pơ lei tơm Bảo Lộc, hăm kơ sô̆ kơ phiê̆u pôk đei 96,77% bơ ngai tang măt đei măt. Ƀok Nguyễn Văn Phương sơ̆ ‘noh pơm Kơ dră Anih jang Mŭk drăm - jên jang kơ Jơ nŭm pơ gơ̆r kon pơ lei dêh char Lâm Đồng.

Jơ nŭm pơ gơ̆r kon pơ lei pơ lei tơm Bảo Lộc tăh kơ phiê̆u pôk Kơdră chĕp kơ̆l Anih vei lăng kon pơ lei pơlei tơm

‘Năr 19/10 âu ki, ƀok đei Khŭl chĕp kơ̆l pơ gơ̆r Anih jang Đảng dêh char Lâm Đồng ăn năm bơ̆ jang tơ̆ Anih jang Đảng pơ lei tơm Bảo Lộc, athei vang jang lơ̆m Khŭl chĕp kơ̆l pơ gơ̆r, pơm Phŏ Bí thư Anih jang Đảng pơ lei tơm Bảo Lộc jăl jang 2020 - 2025; hơ dai hăm ‘noh, roi tơ ƀôh vă Jơ nŭm pơ gơ̆r kon pơ lei pơ lei tơm Bảo Lộc pôk pơm Kơdră chĕp kơ̆l Anih vei lăng kon pơ lei pơ lei tơm Bảo Lộc, jăl jang 2021 - 2026. Kŭm tơ̆ jơ ‘năr ‘noh mơ̆n, Kơdră Anih vei lăng kon pơ lei pơ lei tơm Bảo Lộc ‘noh ƀok Đoàn Kim Đình, đei Khŭl chĕp kơ̆l Anih jang Đảng dêh char Lâm Đồng ăn năm jang păng pôk hơ tŏk pơm Kơ dră vei lăng Kŏng ti jang găh vĕ sô̆ kiến thiết Lâm Đồng.