Chih iŏk nơ̆r pơtho đơ̆ng Ƀok Hồ ‘mêm kơ eng, anih pơtho pơhrăm dêh char Lâm Đồng ưh kơ đei pơdơh tơplih, hơdrin yak hloh pơmat, hơtŏk ‘lơ̆ng pơtho pơhrăm tôm tơdrong; lăng kăl pơtho pơhrăm jơhngơ̆m đon ‘lơ̆ng, tơdrong hơrih ‘lơ̆ng, tơiung jơhngơ̆m đon jang tơnăp, hơpơi ‘meh plang jơhngơ̆m păng đon hơdrin yak tŏk lơ̆m khŭl kang ƀô̆ vei lăng, thây kô pơtho păng hŏk tro.

Tơ̆ jơ pơm lêh đei 15 khŭl grŭp păng 69 ‘nu jang ‘lơ̆ng lơ̆m hŏk pơhrăm păng pơm kiơ̆ jơhngơ̆m đon ‘lơ̆ng đơ̆ng Ƀok Hồ đei pôk pơ ư; 104 ‘nu hŏk tro iŏk đei jơnei tơ̆ ‘Măng pơlong rơih hŏk tro hŏk hơgei hloh kơ teh đak sơnăm hŏk 2025- 2026 păng 134 ‘nu hŏk tro iŏk đei jơnei mă Mônh pơlong hŏk tro hŏk hơgei kơ dêh char chơt hơiă sơng iŏk Bằng khen đơ̆ng Anih tơm vei lăng găh Pơtho pơhrăm, Bằng khen đơ̆ng Anih vei lăng kon pơlei dêh char Lâm Đồng păng hla ar pơ ư đơ̆ng Anih vei lăng găh Pơtho pơhrăm dêh char.