Tơ̆ hop akom, hăm 100% kơphĭu drơ̆ng nơ̆r (85/85), ƀok Lưu Văn Trung, Kơ iĕng Ƀĭ thư Đảng dêh char, Kơdră chĕp pơgơ̆r Jơnŭm vei lăng kon pơlei dêh char Lâm Đồng jăl X, hơnơ̆ng đei pôk tơmơ̆t jang dơ̆ng Kơdră chĕp pơgơ̆r Jơnŭm vei lăng kon pơlei dêh char jăl XI. Rim kơ iĕng Kơdră chĕp pơgơ̆r Jơnŭm vei lăng kon pơlei dêh char jăl XI đei ƀok K’Mák, ƀok Tiêu Hồng Phúc, ƀok Y Quang BKrông, yă Nguyễn Thị Thuận Bích, yă Mai Thị Xuân Trung păng ƀok Đa Cát Vinh. Hăm hơnih vei lăng kon pơlei dêh char, ƀok Hồ Văn Mười, Kơ iĕng Ƀĭ thư Đảng dêh char, hơnơ̆ng đei pôk tơmơ̆t jang dơ̆ng Kơdră chĕp pơgơ̆r Hơnih vei lăng kon pơlei dêh char Lâm Đồng, jăl jang 2026 – 2031 hăm 100% kơphĭu drơ̆ng nơ̆r. Kơ iĕng Kơdră chĕp pơgơ̆r Hơnih vei lăng kon pơlei dêh char đei rim ƀok: Lê Trọng Yên, Võ Ngọc Hiệp, Nguyễn Hồng Hải, Nguyễn Minh, Nguyễn Ngọc Phúc păng Đinh Văn Tuấn. Iung pơma tơ̆ hop akŏm, ƀok Y Thanh Hà Niê Kđăm, Bí thư Đảng dêh char, Kơdră Khul kơdră tang măt Kuôk hô̆i dêh char Lâm Đồng pơma hơdăh, tơdrong pôk tơmơ̆t tôm kơchư̆k kơdră chĕp pơgơ̆r tơm dơnơm tơ̆ ‘măng hop akŏm ‘noh trong kơnăl kăl hloh vă khul kơdră chĕp pơgơ̆r dêh char hrôih sơđơ̆ng, tơlĕch jang jơnei rim tơdrong jang atŏk tơ iung mŭk drăm-tơpôl, sơđơ̆ng dơ̆ng kơjăp teh đak-tơring lơ̆m jăl jang 2026 – 2031.