Tơ̆ lơ 'măng pơm jang hăm 5 phương đei: Xuân Hương - Đà Lạt, Cam Ly - Đà Lạt, Lâm Viên - Đà Lạt, Xuân Trường - Đà Lạt, Lang Biang - Đà Lạt, kơdră Hơnih jang vei lăng kon pơlei dêh char Lâm Đồng pơgơ̆r gah tơdrong pơkăp groi teh athei sơkơ̆t đunh khei năr, pơkăp tơdrong pơyua ăn kon pơlei mă tơm, hơmet dôm tơdrong tam mă trŏ ƀlep lơ̆m pơkăp groi teh pơlei tơm Đà Lạt hơdrol kơ sơnăm 2025.

Đơ̆ng chă hơlen, 5 phương tơjê̆ Đà Lạt hlôi đei lơ hơmet gah tơdrong kăp gĭt, sơkơ̆t pơih să tơring kơdrơ̆m gah Pơmơ̆t păng gah Hơlĕch, hơlen lăng cham char teh tơ̆ hơnih tơm Hòa Bình vă pơm hơnih 'măn gre păng hơnih tĕch pơdro; sơkơ̆t hơtŏk tơring kơdrơ̆m cham char, tơguăt hăm tơmang pơhiơ̆ 'lơ̆ng hloh, choh jang xa kiơ̆ trong jang 'nao păng vei lăng bri... Hơmŏ tơdrong pơkăp atŭm kơ tơring kơdrơ̆m 5 phương Đà Lạt gô pơtruh ăn Hơnih tơm Ming man hơlen lăng lơ̆m khei 8 truh ou kơnh.