Kiơ̆ kơ noh, ƀok Huỳnh Ngọc Anh, Kơdră Hơnih jang Nô̆i chĭnh Tĭnh uy, đei pơkăp pôk jang Phŏ Ƀĭ thư Juăt jang Đảng uy Dôm hơnih jang Đảng dêh char, jăl jang 2025-2030. Ƀok Nguyễn Văn Tám, Ƀĭ thư Đảng uy, Kơdră Hô̆i đŏng kon pơlei phương Phan Thiết đei pơkăp pôk jang Kơdră Hơnih jang Nô̆i chĭnh Tĭnh uy. Ƀok Võ Thanh Bình, Kơdră Hơnih jang Tuyên yăo păng Pơrô̆ pơrôp Tĭnh uy đei pơkăp pôk jang Ƀĭ thư Đảng uy phương Phan Thiết, jăl jang 2025-2030. Ƀok Bùi Huy Thành, Kơdră Hơnih jang Kon kông păng Tơdrong lui đei pơkăp pôk jang Kơdră Tuyên yăo păng Pơrô̆ pơrôp Tĭnh uy.

Ƀok Tôn Thiện San, Kơdră Hơnih jang gah Jên hu iŏk jang Kơdră Hơnih Joh ayŏ, Tơplŏng kơdou păng Tơmang pơhiơ̆; ƀok Lê Ngọc Tiến, Kơdră Hơnih Ming man iŏk jang Kơdră Hơnih Jên hu; yă Nguyễn Thị Thu Hường, Ƀĭ thư Đảng uy, Kơdră Hô̆i đŏng kon pơlei xah Quảng Sơn iŏk jang Kơdră Hơnih jang Kon kông păng Tơdrong lui; ƀok Lê Ngọc Quang, Phŏ Kơdră Hơnih jang Tuyên yăo păng Pơrô̆ pơrôp Tĭnh uy iŏk jang Phŏ Kơdră Hơnih Joh ayŏ, Tơplŏng kơdou păng Tơmang pơhiơ̆.