Kiơ̆ kơ noh, pơkăp pôk ƀok Đặng Đức Hiệp, jang lơ̆m Hơnih jang Tĭnh uy, Ƀĭ thư Đảng uy phương Xuân Hương – Đà Lạt truh Khul jang tang măt ăn Kuô̆k hô̆i dêh char vă iŏk sơnong jang Phŏ Kơdră Khul tang măt ăn Kuô̆k hô̆i dêh char Lâm Đồng. Ƀok Nguyễn Văn Lộc, Kơdră Hơnih jang Joh ayŏ - Tơplŏng kơdou păng Tơmang pơhiơ̆ dêh char Lâm Đồng đei pôk jang kơchư̆k Ƀĭ thư Đảng uy phương Xuân Hương – Đà Lạt.

Dêh char adoi pơkăp pôk ƀok Hoàng Thanh Hải, Phŏ Ƀĭ thư Đảng uy dôm hơnih jang Đảng dêh char iŏk jang Ƀĭ thư Đảng uy xah Ninh Gia. Ƀok Phan Nhật Thanh, Phŏ Kơdră Hơnih jang Ming man đei pôk jang Phŏ Kơdră Hơnih jang Tĭnh uy Lâm Đồng. Ƀok Trần Đình Ninh, Phŏ Kơdră Hơnih jang Jên hu đei pôk jang Phŏ Kơdră Hơnih jang Tuyên giáo păng Pơrô̆ pơrôp Tĭnh uy Lâm Đồng. Atŭm hăm noh, dêh char adoi tơbang dôm tơchơ̆t pôk dôm kơchư̆k Phŏ Kơdră dơnơm kơ Hơnih pơvih pơvăn ăn Hơnih jang vei lăng kon pơlei dêh char, Phŏ Kơdră Hơnih jang dăr hơlen kơ dêh char, Phŏ Kơdră Hơnih jang gah Jên hu, Phŏ Kơdră Hơnih jang tơdrong jang hăm teh đak đe, Kơdră Jơnŭm vei lăng Tơring tơmang pơhiơ̆ dơnou Tuyền Lâm.