Vă tơdrong jang kiơ̆ chô̆ kơmăy chih tơroi tơdrong rôp yâu ka hơdang, tĕch mơdro păng chơ chuĕn hăm điên tư gơ̆h đei yoa ‘lơ̆ng kiơ̆ nơ̆r pơtho đơ̆ng Thủ tướng teh đak, Kơdră vei lăng kon pơlei dêh char Lâm Đồng Hồ Văn Mười pơjao ăn Anih vei lăng choh jang păng cham char dêh char pơgơ̆r, jang hơdoi hăm dôm anih jang kơpal păng tơring đei ƀơm truh bơ̆ jang hrơ̆ch ‘lơ̆ng tơdrong ‘nâu.

Kơdră vei lăng kon pơlei dêh char Lâm Đồng oei pơjao ăn Anih vei lăng choh jang xa păng cham char chih tơlĕch trong vei lăng, pơgơ̆r bơ̆ jang păng iŏk yoa kơmăy phần mềm chih tơroi tơdrong rôp yâu ka, tơdrong tĕch mơdro, chơ chuĕn ka hơdang hăm điên tư tơ̆ dêh char, jang đang adrol kơ ‘năr 31/3/2026. Kŭm hăm chih tơroi hơdăh tơdrong rôp yâu ka hăm điên tư, dêh char Lâm Đồng oei tơlĕch jang pran, hrơ̆ch ‘lơ̆ng dôm trong jang vă kum hăm dôm dêh char, plt lơ̆m teh đak vang pleh hŭt lê̆ the jơk IUU, năm truh tơdrong atŏk tơiung anih jang ka hơdang kơjăp ‘lơ̆ng, đon jang tơnăp păng lăp hăm tơdrong hơgăt đơ̆ng apŭng plenh teh.