Dôm bơngai tang măt chă hơlen năng, hơmet pơ 'lơ̆ng dôm tơdrong tơhlăk găh jên jang, trong pơm hla ar, teh păng tơdrong tơproh trong jang, pơjing jơhngâm pran ăn anih jang mŭk drăm kơdih jang tŏk. Đơ̆ng rŏng kơ tơmât hơdai, Lâm Đồng đei dang 35.600 anih jang mŭk drăm oei jang xa păng hloh 190.000 ŭnh hnam tĕch mơdro. Lơ̆m 6 khei blŭng sơnăm, GRDP kơ dêh char tŏk 7.97%, thu mong jên jang ăn teh đak đei 18.600 ti.

Tơ̆ hop akŏm, Phŏ Kơdră Anih vei lăng kon pơlei dêh char Lâm Đồng Nguyễn Minh pơma hơdăh tơdrong kăl hơtŏk loi dơ̆ng tơdrong jang hơdai đơ̆ng khŭl kơdră pơgơ̆r, anih mong jên păng anih tĕch mơdro, hơdai hăm hơmet pơ 'lơ̆ng anih tơmât jên jang, hơmet ming trong pơm hla ar. Lơ nơ̆r pơma oei athei hơtŏk loi dơ̆ng tơdrong vei lăng, pơm rơđăh jên hu păng hơtŏk trong jang hơdai.