Hăm tơchơ̆t “Tơguăt tơguăl – Hiôk hian – Pơkăp sơđơ̆ng – Jang kơtang – Hơtŏk tơ-iung”, Hop akŏm bơngai tang măt Đảng ƀô̆ dêh char Lâm Đồng 'măng mă mônh, jăl jang 2025 – 2030 gô đei pơgơ̆r lơ̆m 3 năr, đơ̆ng năr 9 truh năr 11/10/2025 tơ̆ Hnam akŏm Hŏk viê̆n Lŭc kuân, phương Lâm Viên – Đà Lạt, dêh char Lâm Đồng. Vang năm Hop akŏm đei 498 'nu tang măt tơm, lơ̆m noh đei 92 'nu tang măt hơnơ̆ng păng 406 'nu tang măt đei pơtruh đơ̆ng 128 đảng ƀô̆ lơ̆m Tĭnh uy tang măt ăn jê̆ 119.400 đảng viên lơ̆m jơ̆p dêh char.

Ƀok Nguyễn Khắc Bình, Kơdră Anih jang Tĭnh uy Lâm Đồng ăn tơbăt, Hla bar kăl chih akŏm chinh trĭ kơ hop akŏm tơlĕch 3 tơdrong tơm vă hơtŏk pơm jang lơ̆m jăl jang 'nao: Noh jing akŏm hơtŏk trong nơnăm; hơtŏk hơmet trong jang hanh chĭnh; akŏm ăn tơdrong hơtŏk kơtang asong kang ƀô̆, bơngai jang vă vei sơđơ̆ng ăn tơdrong iŏk pơm jang trŏ bơngai, trŏ tơdrong jang.