Đơ̆ng rŏng 3 khei năm bơ̆ jang tơgŭm djru ăn khul kơdră tơring, 730 ‘nu kang ƀô̆, ƀô̆ đô̆i, kŏng ang iung năm jang tơ̆ tơring, hloh 98% bơ̆ jang keh đang tơdrong jang pơjao, lơ̆m ou hloh 25% jang keh đang ‘lơ̆ng hơ iă hloh. ‘Măng ăn kang ƀô̆ dêh char năm bơ̆ jang tơ̆ tơring kơ dêh char Lâm Đồng jei pơjing đei jơnei lơ tơdrong, mĭnh păh jei pơm tơjur tơdrong jang trăp trĭn ăn tơring, adoi tơgŭm ăn khul kang ƀô̆ dêh char pơhrăm jơhngơ̆m đon, tơdrong bơ̆ jang, tơgop lơ̆m tơ iung pơjing khul kang ƀô̆ gơh hơgei tôm tong, tơjê̆ hăm kon pơlei, tơjê̆ hăm tơdrong bơ̆ jang. Iung pơma tơ̆ hop akŏm, ƀok  Hồ Văn Mười, Kơdră chĕp pơgơ̆r Hơnih vei lăng kon pơlei dêh char Lâm Đồng sơkơ̆t hơdăh: 730 ‘nu kang ƀô̆ năm jang tơ̆ tơring hlôi tơgop pơm sơđơ̆ng păng atŏk iŏk đei jơnei bơ̆ jang ‘lơ̆ng kơ khul kơdră tơring lơ̆m jăl sơnăm tơplih jang kiơ̆ trong bơ̆ jang khul kơdră chĕp pơgơ̆r tơring 2 kâp.