VOV4.Bahnar - Kiơ̆ nơ̆r tơ roi đơ̆ng Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng dêh char Lâm Đồng, ƀât tết Nguyên đán Nhâm Dần 2022 (đơ̆ng ‘năr 29 khei 12 truh ‘năr 6 tết), Lâm Đồng sơng đei hlŏh 300.000 ‘nu tơ moi truh tơ mang lăng, pơ dơ̆h ngôi, tŏk hlŏh 566% kơ sô̆ tơ moi pơ têng hăm tết Nguyên đán Tân Sửu 2021.

Lơ̆m nŏh, tơ moi truh tep pơ dơ̆h đei 120.000 ‘nu păng tơ moi đơ̆ng tĕh đak đe đei 1.900 ‘nu, mă lơ ‘nŏh năm tơ̆ plt Đà Lạt. Kơ sô̆ tơ moi truh lơ hlŏh lơ̆m dôm năr đơ̆ng ‘năr 2 truh ‘năr 6 tết, ƀât mă lơ anih tep pơ dơ̆h đei hlŏh 95% bơ ngai mât tep pơ dơ̆h. Tơ moi tŏk lơ, ƀât lăp pơm ưh kơ măh anih tep, kơ jă anih tep tŏk đơ̆ng 30 - 40% pơ têng hăm năr hmă mă lei dôm anih chă tơ mang lăng oei pơ vih pơ văn ‘lơ̆ng đĕch. ‘Nâu jĭ tơ drong hơ iă vă anih chă tơ mang lăng kơ dêh char jang tŏk pran lơ̆m khei ‘năr oei krê jĭ hrei ‘nâu.

Dơ̆ng: Tơ blơ̆