Lâm Đồng – Ƀai hơri jơk” jĭ nơ̆r pơtruh kăp gĭt ah Hop akŏm tơlĕch trong jang hơtŏk tơmang pơhiơ̆ jăl sơnăm  2026 - 2030, sơkơ̆t jang truh sơnăm 2040, kơyuơ Hơnih jang vei lăng kon pơlei dêh char Lâm Đồng pơgơ̆r ah năr 25/8 tơ̆ Đà Lạt. Rim bơngai tang măt sơkơ̆t hơdah, đơ̆ng rŏng kơ hơgrop, Lâm Đồng đei hơnih vă hơtŏk tơmang pơhiơ̆ tih să, lơ tơdrong hloh, hăm mŭk drăm păng tơdrong hiôk kơ tơring tơjê̆.

Tơring athei tơplih trong jang vei lăng hơnih truh, hơmet tơdrong ưh kơ mah tơmam drăm, hơtŏk tơguăt dôm tơdrong jang tơmang pơhiơ̆; hơtŏk tơmang pơhiơ̆ đak dơsĭ, cham teh hơgơp tơmo, vei lăng jơhngơ̆m jăn păng jang mŭk drăm ah kơmăng. Hơnih jang vei lăng kon pơlei dêh char Lâm Đồng  sơkơ̆t hơdah, tơmang pơhiơ̆ athei đei hơtŏk tơ-iung lơ̆m cham char atŭm, pơjing đei kơjă kăp gĭt kơjung hloh, hơtŏ hloh đơ̆ng hơtŏk mŭk drăm hăm vei lăng cham char plenh teh, tơdrong joh ayŏ păng hơtŏk tơdrong hơrih kon pơlei. Lâm Đồng sơkơ̆t hơdah hơtŏk jang tơmang pơhiơ̆ jơk, kơjăp 'lơ̆ng, iŏk yua mŭk drăm “Groi kông – Đak dơsĭ  - Cham teh hơgơp tơmo”.