Tơ̆ jơ pơm lêh, Thủ tướng Lê Minh Hưng hơpăh tơmam kăp gĭt đơ̆ng Đảng păng teh đak, chih răk tơdrong tơgop đơ̆ng Khul păng tơpôl bơngai tĕch mơdro iĕ păng păh lăp lơ̆m tơdrong pơjing, tưk tơiung teh đak. Thủ tướng Lê Minh Hưng athei tơpôl anih tĕch mơdro iĕ păng păh lăp rong đon hơmĕng tih, dar deh jang xa tŏk jing anih tĕch mơdro tih, jang xa hăm tơring păng lơ̆m apŭng plenh teh.

Thủ tướng pơma hơdăh hơnăp jang gĭt kăl đơ̆ng Anih jang mŭk drăm kơdih, lơ̆m noh đei anih tĕch mơdro iĕ păng păh lăp jĭ khul jang tơm vang tơgop bơ̆ jang đei đon pơhnŏng jang tŏk truh 2 kơsô̆ păng dôm trong jang gĭt kăl vă atŏk tơiung teh đak truh sơnăm 2030, trong vă jang truh 2045. Thủ tướng athei hơnơ̆ng kăt tơjur, pơm hla ar vei lăng ƀônh hiôk, pơjing tơdrong ‘lơ̆ng ăn anih tĕch mơdro jang xa, tơjur ƀiơ̆ jên jang; hơmet pơ ‘lơ̆ng Luơ̆t atŏk tơiung anih tĕch mơdro iĕ păng păh lăp. Anih mong jên teh đak athei dôm anih asong tŏk iŏk jên tơlĕch lơ trong asong tŏk iŏk jên vă jang xa, jang kiơ̆ kơmăy kơmŏk, tơjur ƀiơ̆ jơnăr pơm hla ar vă anih tĕch mơdro chă tŏk iŏk jên ƀônh hiôk.