Thủ tướng Lê Minh Hưng sơkơ̆t hơdăh Việt Nam lăng kơjăp tơgoăt tơgoăl joăt joe đơ̆ng sơ̆ păng jang hơdoi tôm tong hăm Chile. Thủ tướng athei ƀar păh hơnơ̆ng ăn rim khul kơdră tơƀơ̆p dih băl, tơlĕch jang kiơ̆ jơnei rim tơdrong tơchơ̆t jang hơdoi, pơjing rơvơn vă tơmam drăm đei tech mơdro dih băl; atŏk kơtang jang hơdoi jên hu-hơnih mong jên, khoa hŏk-kmăi kmŏk, vei lăng sơđơ̆ng teh đak-sơđơ̆ng tơring. Adoi, pơtrŭt kơtang tơgoăt gre yak truh dih băl, hơnih tĕch mơdro, jang kiơ̆ ‘lơ̆ng hơnăp jang ‘măng jang tơƀưh Đông Nam Á păng Mỹ Latinh. Kơdră jang tơbôl Francisco Pérez Mackenna sơkơ̆t hơdăh Chile lăng Việt Nam jĭ teh đak jang hơdoi tơm hloh tơ̆ Đông Nam Á, hơpơi ‘meh vă atŏk kơtang jang hơdoi găh mơdro sa, tơmơ̆t jên jang, choh jang sa, sir iok mŭk drăm lơ̆m teh, tơplih ŭnh hơyuh păng khoa hŏk-kmăi kmŏk.