Tổng Bí thư, Kơdră teh đak bơ̆n bơnê đơ̆ng rŏng kơ minh sơnăm pơm kiơ̆ Tơchơ̆t 71, tơplih hơdah hloh gah đon tơchĕng, trong pơm jang, bơngai jang păng tơdrong pơgơ̆r jang; lơ hơnih tơhlăk đunh sơnăm brư̆ brư̆ đei pơklaih. Tơchơ̆t tơgŭm hăm bơngai pơtho, bơngai hŏk đei tơgŭm lơ hloh; pơtho tơdrong jang păng pơtho đăi hŏk đei tơplih kiơ̆ trong tơguăt hăm khua hŏk, kơmăi kơmŏk, tơplih 'nao gơh hơgei păng tơdrong kăl bơngai jang.

Mă lei, Tổng Bí thư, Kơdră teh đak bơ̆n akhan, dôm tơdrong tơplih 'lơ̆ng gah pơtho pơhrăm, khul bơngai pơtho, bơngai hŏk păng bơngai jang tam mă tơpă hơdah. Khei năr truh athei tơplih kơtang đơ̆ng keh đang tơchơ̆t tơgŭm jing pơgơ̆r pơm jang, đei jơnei hơdah. Hơnih jang pơtho pơhrăm athei tơplih 'nao đơ̆ng tơdrong pơgơ̆r jang kơ hnam trưng, khul bơngai pơtho truh trong pơtho hŏk pơhrăm, pơlong păng pơkăp 'lơ̆ng; tơjur ƀiơ̆ tơdrong hŏk rơbot, hŏk pơgia la, hơtŏk tơdrong kơdih hŏk pơhrăm, hơlen băt, tơchĕng mă tơnăp dôm tơdrong kăl sek tơlang tơdrong đei ƀôh.