Tơ̆ hop akŏm, Tĭnh uy Lâm Đồng tơbang tơchơ̆t pơjing Jơnŭm pơgơ̆r sơkơ̆t pơm kiơ̆ Tơchơ̆t kơsô̆ 18 lơ̆m Tĭnh uy Lâm Đồng kơyuơ ƀok Nguyễn Thái Học, iŏk jang Ƀĭ thư Tĭnh uy Lâm Đồng pơm kơdră. Gah jơnŭm pơgơ̆r tơring sơkơ̆t tơmơ̆t jang hơdoi Anih Asong jang hăm Anih jang Jên hu; Anih jang gah Trong nơnăm hăm Anih Ming man; Anih jang gah Mŭk drăm Cham char hăm Anih jang gah Choh pơtăm păng Hơtŏk tơring tơrang; Anih jang Tơroi tơbăt hăm Anih jang Khua hŏk Kŏng ngê̆; Anih Asong jang, Linh jĭ rơka păng Tơpôl hăm Anih jang Nô̆i vŭ.

Atŭm hăm noh, tơplih sơnong jang kơ teh đak gah minh ƀar anih jang so jing anih jang 'nao mă trŏ ƀlep. Gah sơkơ̆t tơdrong jang kang ƀô̆, hơmet dơ̆ng khul kang ƀô̆ hăm pơkăp vă tơjur ƀiên chê̆; rơih kang ƀô̆ hăm pơkăp “hơbĕch hơbal gơh hơgei, đei đon bơnôh 'lơ̆ng, pơm jang tơnăp, pơma noh jang hloi”, keh đang tơnăp tôm sơnong jang đei pơjao.