Tơdrong hơmet ming mir pơgar ‘long pơtăm đơ̆ng rŏng đak lip răm đei iung jang tơ̆ tơring Cát Tiên păng Cát Tiên 2, tơring đei kơhrĕng hektar sâu riêng răm kơ đak lơ̆p kơtang. Kang ƀô̆ Hơnih tơm Pơtrŭt choh jang sa dêh char Lâm Đồng iung năm pơtho hloi ăn kon pơlei pơchoh đak dŏng tơgŭm mir pơgar ‘long pơtăm, adoi iung jang hơmet pơ ‘lơ̆ng pơrang pơrăm hla, rơh, vei lăng sơdrai, tuh phŏng mơ̆r păng tang găn pơrang pơrăm. Atŭm hăm pơtho kih thuơ̆t, Hơnih tơm Pơtrŭt choh jang sa dêh char Lâm Đồng jei iung jang hơdoi hăm rim hơnih bơ̆ jang, hơnih mơdro sa tơgŭm djru mĭnh ƀar tơmam drăm chế phẩm sinh học, tơmam drăm pơ yoa ăn choh jang sa tơgŭm ăn kon pơlei tĕnh koăng hơmet pơ ‘lơ̆ng mir pơgar ‘long pơtăm. Lơ̆m dêh char Lâm Đồng hrei ou đei 42.500 ha sâu riêng, lơ̆m ou lơ mir pơgar pơtăm tơ̆ groi teh thŭng găh Pơbăh dêh char.