Yak mơ̆t lơ̆m sơnăm 2026, tơ̆ dêh char Lâm Đồng hlôi đei ƀôh đei ƀôh kial kơtang, đak poh yă kơtang tơ̆ đak dơsĭ, ‘mi atŭm hăm kial hơbŭt hlôi pơm ăn teh tơdrŭt hơlih vă jê̆ 380m jih đak dơsĭ, hlơk hŭt pơbŭng 17 tŏ hnam, 8ha ‘long pơtăm hư răm hăm hiong răm dang 1 ti 900 triu hlak jên. Vă iung tơjră tang găn hơlou vă pơm dă ƀiơ̆ hiong răm đơ̆ng ‘mi kial pơrăm lơ̆m pơyan ‘mi sơnăm ou, Hơnih vei lăng kon pơlei dêh char Lâm Đồng hlôi tơlĕch 17 tơdrong jang tơm. Lơ̆m ou đei tơdrong jang dăr lăng, tơdra hơdrol-tơbăt ăn hrôih rim tơdrong ƀôh hlĭch găh ‘mi kial;  hơmet pơ ‘lơ̆ng kmăi kmŏk, tơmam drăm vă iung tơjră tang găn ‘mi kial pơrăm; pơm sơđơ̆ng dơnou mong đak,hnam kmăi đak tơlĕch ŭnh hơyuh; iung jang kơtang yông kon pơlei lĕch veh đơ̆ng tơring hli hlơt hơdrol kơ đei ‘mi kial pơrăm.