VOV4.Bahnar  – Pơgê năr 14/10, dêh char Lâm Đồng hlôi tơbang hla bar kăl đơ̆ng kơdră Anih vei lăng kon pơlei dêh char găh tơdrong kơchăng tơjră hăm đak hơbông, păng teh hơlih lơ̆m tơring.

Hăm tơdrong hli hlơt đơ̆ng hơyuh tô̆ 'mi, lơ̆m dôm năr truh, lơ̆m dêh char Lâm Đồng đei 'mi tih, kial kơtang, pơm đei đak hơbông, păng teh hơlih tơ̆ lơ tơring. Vă tang găn răm hăm tơmam pơtăm, mŭk drăm păng vei xơđơ̆ng tơdrong erih kon pơlei, Kơdră Anih vei lăng kon pơlei dêh char pơkăl Jơnŭm pơgơ̆r tang găn păng tơjră 'mi kial păng chơ chă tơgŭm dŏng kon bơngai, rim anih jang, jơnŭm tơpôl păng Anih vei lăng kon pơlei dôm apŭng, pơlei tơm lơ̆m dêh char tenh kuăng tơlĕch dôm trong jang vă tơjră. Mă kăl tơrĕk hơlen măng năr tơtom tơlĕch tang găn păng tơjră “puăn tơ̆ anih”, “pêng kơchăng”; tơtom 'nhăk kon pơlei tơ̆ dôm anih hli hlơt ƀơm đak lâ̆p, teh hơlih truh anih oei xơđơ̆ng.

VOV Tây Nguyên/Lan tơblơ̆