Trŭh dang ei, akŏp kon jên tơmơ̆t jang ăn rim trong jang tơmang pơhiơ̆ chŏh jang sa kơ dêh char Lâm Đồng dang 377 ti hlak jên, lơ̆m hơgăt teh să hlŏh 300ha. Lơ̆m au, đei 212ha teh chŏh jang sa, 9ha tĕh ming man, pă dôm yơ ‘nŏh groi teh anai.

Hop akŏm sơkơ̆t hơdăh, Lâm Đồng hlôi iung jang kiơ̆ ‘lơ̆ng dôm tơdrong đei păng rơvơn găh chŏh jang sa vă pơjing đei dôm tơmam drăm ‘nao tơgŭm ăn tơmang pơhiơ̆, pơjing dơ̆ng jang sa iŏk đei, tơmơ̆t đei lơ bơngai jang păng tơƀô̆h tơbăt tơmam drăm chŏh jang sa kơ tơring. Mă lei, lơ̆m khei ‘năr tơlĕch jang kiơ̆ hlôi ƀô̆h đei lơ tơdrong tim mă lăp păng tim mă ƀlep kăl hrôih hơmet ming nhen pơm hla bơar hiơ hiơ̆, rim trong tơ iung pơjing, trong pơprŏ iŏk yua teh, pơprŏ tơ iung pơjing ming man, găh hơnih đei pơbŭng lơ̆m teh chŏh jang sa, tơplĭh teh chŏh jang sa jing teh jang ming man au to ... jei tơƀơ̆p mơsuơ̆l mơsoăl, tim mă hrơ̆p mĭnh ‘măng, drơ̆ng mĭnh nơ̆r lơ̆m tơlĕch jang kiơ̆.