Hơnăp jang proh hơmet atŭm xăh Đức Trọng đei klăih song pơm 2 jăl jang truh sơnăm 2030 păng đunh truh sơnăm 2050. Tơdrong hơgăt đunh tơmơ̆t jên jang pơjing xăh Đức Trọng jing anih kơdrơ̆m tơm kơ ‘măng mơ̆t lĕch apŭng plĕnh teh; tơƀưh hơtŏ trong nơnăm lơ tơring hăm trong gre kơdâu hrĕnh păng tơƀưh hăm cham gre păr apŭng plĕnh teh Liên Khương; pơjing hơtŏk tơiung Hơnih tơm bơ̆jang - chĭnh trĭ dêh char Lâm Đồng pơm tơdrong ‘lơ̆ng ‘nao ăn tơdrong hơtŏk tơiung atŭm kơ anih kơdrơ̆m Đức Trọng păng tơring tơjê̆...

Anih vei lăng kon pơlei dêh char Lâm Đồng pơjao kơ dôm anih jang kơpal, anih jang pơm truh păng Anih vei lăng kon pơlei xăh Đức Trọng jang hơdai vă pơyua ăn tơdrong jang pơjing, hơlen lăng păng kĭ ăn tơdrong jang proh hơmet; vei sơđơ̆ng hla ar hô sơ proh hơmet đei pơjing hrơ̆ch, drơ̆ng 1 nơ̆r, ‘lơ̆ng păng trŏ lăp hăm trong vă jang hơtŏk tơiung kơ dêh char. Khei ‘năr tơchĕng hơdrol jang đang proh hơmet lơ̆m jăl khei mă  II/2026, iŏk yua jên jang tơring.