VOV4.Bahnar - Hơ nơ̆ng bơ̆ jang lơ̆m hop akŏm mă 9, pơ gê 14/3, mơ̆ng Khul dăr lăng roi tơ băt dôm tơ drong iŏk đei blŭng a găh tơ drong hơ met ming anih jang hanh chĭnh tơ̆ apŭng, xăh đơ̆ng 2019-2021, Anih chĕp kơ̆l pơ gơ̆r Kuô̆k hô̆i athei lê̆ tơ lĕch trong tơ mât apŭng lơ̆m plt vă pơm lăp hăm tơ drong hơ met khul bơ ngai jang păng chĕng hơ met tơ ring kơ drâm.

Kiơ̆ đơ̆ng dăr lăng ăn ƀôh, dôm tơ ring hlôi pơ gơ̆r kăt tơ jur bơ ngai jang tơ̆ 08 anih jang hanh chĭnh apŭng păng 561 anih jang hanh chĭnh tơ̆ xăh; 3.437 anih jang, khul grŭp tơ̆ xăh păng 429 anih jang, khul grŭp tơ̆ apŭng. Đơ̆ng 2019 - 2021 hlôi ‘mơ ‘met đei hlŏh 2 rơ bâu ti hlak jên jang kơ tĕh đak. Mă lei yoa khei ‘năr bơ̆ jang oei tŏ sĕt kơ na tơ̆ 1,2 tơ ring, kơ sô̆ jên ‘mơ ‘met đei tam mă măh kla jên tơ gŭm ăn kăn ƀô̆, bơ ngai jang kơ tĕh đak rơ kăh đơ̆ng rŏng hơ met ming.

Dơ̆ng: Tơ blơ̆