Tơ̆ Lêh pơjao tơmam hơpah, Kơdră teh đak bơ̆n Lương Cường atŭm hăm kơdră kơ rim anih jang tơm, anih jang Trung ương hlôi pơjao 137 tơmam hơpah ăn tơ-'ngla bơngai: Lơ̆m noh đei 12 hơpah A, 23 hơpah B, 36 hơpah C, 66 hơpah Pơchhơ̆p jơhngơ̆m. Lơ̆m kơsô̆ ou, Rađiô Nơ̆r pơma Việt Nam đei jơnei 1 hơpah A păng 1 hơpah C, kiơ̆ đơ̆ng noh sơkơ̆t sơnong jang kơtang kơ Rađiô Nơ̆r pơma Việt Nam lơ̆m vei lăng trong pơm jang kơ Đảng.

Atŭm hăm noh Jơnŭm pơgơ̆r pơjao 20 hơpah pơchhơ̆p jơhngơ̆m ăn đoan viên, hơdruh tơdăm đei tak phâm pơlong hơgei; pơjao 20 hơpah ăn rim anih jang, rim tơring đei jơnei tơnăp lơ̆m Tơdrong pơlong tơ̆ tơring păng tơ̆ Trung ương păng đei tơmam hơpah ăn bơngai chih sơnăm 'lŏ păng sơnăm 'lơ̆p hloh.