Tang măt Kơdră chĕp kơ̆l Đảng, Teh đak, Kơdră Quốc hội Trần Thanh Mẫn lăng tôch kơ ‘lơ̆ng tơdrong đĭ jơhngơ̆m, gơh hơgei đơ̆ng đe kang ƀô̆, bơngai jang kơ teh đak kơ Hnam in tơlĕch hla ar păng pôk pơ ư tơdrong jang hơdai kơjăp, kơchăng păng tơnăp đơ̆ng rim anih jang lơ̆m tơdrong chih hơmet ming, in tơlĕch hla ar.

Mă loi ‘noh jĭ dôm kơsơ̆p hla ar tơbăt 80 sơnăm Pôk rơih mă blŭng pôk Quốc hội Việt Nam. Dôm hla ar đei pơgơ̆r chih hơmet tôch kơ hơlen, đei tơdrong ‘lơ̆ng gĭt kăl găh lĭ luơ̆n păng yan âu, tơgŭm kang ƀô̆, đảng viên păng kon pơlei hlôh hơdăh hloh găh anih dơ̆ng, hơnăp jang gĭt kăl đơ̆ng Quốc hội lơ̆m tơdrong jang kach mang ang hơdăh kơ Đảng păng hơdrĕch hơdrŭng; jơnei păng tơƀôh ‘lơ̆ng đơ̆ng Quốc hội hloh 15 jăl jang.