VOV4.Bahnar - Pơ gê ‘năr 15/5, tơ̆ hnam chùa Quán Sứ, Hà Nội, Khŭl lui Phật Việt Nam pơ gơ̆r lêh tih Phật đản Phật lịch 2566 -Dương lịch 2022. Lêh tih đei pơ gơ̆r kơ tă đơ̆ng rŏng 2 sơ năm jĭ Covid-19 đei ƀôh, sơng đei kơ hrĕng đe ƀok phât, tăng ni, bơ ngai lui phât truh akŏm. Thượng tọa Thích Đức Thiện, Phŏ kơ dră, Tổng Thư ký Khŭl vei lăng lui Phật Việt Nam tơ băt: ‘Nâu jĭ tơ drong kăl ‘lơ̆ng, tơ gŭm bơ ngai lui phât tơ ƀôh jơ hngơ̆m đon kŭp yom hăm yang Phật hai, tơ ƀôh jơ hngơ̆m đon ‘mêm mơ nat, tơ goăt tơ goăl, hla ‘lơ̆ng bơ̆ng hla hiăh đơ̆ng hơ drĕch hơ drŭng Việt Nam. Hơ dai hăm ‘noh, tơ ƀôh hơ năp jang tơ pôl đơ̆ng kơ dih ƀơ̆t vang tơ gŭm hăm Khŭl vei lăng lui Phật Việt Nam lơ̆m tơ drong jang vei lăng sơ đơ̆ng tơ drong arih sa tơ pôl, vei lăng ăn kon pơ lei đơ̆ng rŏng jĭ hơ buh Covid-19.

Thuem: Tơ blơ̆