VOV4.Bahnar - Kơ sơ̆ ‘năr 23/9, tơ̆ Hnam Kuôk hô̆i hlôi pơ gơ̆r lêh tơ băt 30 sơ năm năr pơ jing Anih vei lăng sơ đơ̆ng teh đak kơ Kuôk hô̆i păng sơng iŏk Mê đai bơ̆ jang dơ̆ng mă mônh. Vang truh pơm lêh tơ băt đei Kơ dră teh đak, kơ dră Jơ nŭm vei lăng sơ đơ̆ng teh đak Nguyễn Xuân Phúc; Kơ dră Kuôk hô̆i Vương Đình Huệ. Lơ̆m 30 sơ năm âu ki, Anih vei lăng sơ đơ̆ng teh đak hlôi vang jang lơ tơ drong tơm hơ met ming, tơ mơ̆t dơ̆ng khôi luơ̆t tơm teh đak sơ năm 1992, pơ jing Khôi luơ̆t tơm teh đak sơ năm 2013, mă loi ‘noh jĭ dôm tơ chơ̆t găh vei lăng teh đak, pơ jing khŭl lĭnh chĕp phao kơ toang, Jơ nŭm vei lăng sơ đơ̆ng teh đak; jang kiơ̆ dôm hơ năp jang lơ̆m tơ drong jang dăr hơ len, dôm nơ̆r apĭnh đơ̆ng Anih jang kiơ̆ tơ drong jang dăr hơ len đei kăp gĭt, ‘lơ̆ng, tơ gŭm Khŭl kơ dră teh đak, rim anih jang kơ pal tơ tom hơ met pơ ‘lơ̆ng tơ drong tam mă ‘lơ̆ng, glăi lơ̆m jang kiơ̆ trong jang tơ gŭm khôi luơ̆t, tơ gop pơm tơ plih ‘lơ̆ng lơ̆m tơ drong jang dăr hơ len.

Kơ dră teh đak, Kơ dră Kuôk hô̆i phĭn rup kŭm hăm dôm bơ ngai tang măt

Kơ dră Kuôk hô̆i Vương Đình Huệ athei, tơ̆ hơ năp kơnh, Anih vei lăng sơ đơ̆ng teh đak hơ nơ̆ng kơ chăng tơ dra hơ drol tơ drong, hơ tŏk ‘lơ̆ng tơ drong jang hơ len lăng, dăr lăng, jang tơ gŭm, apĭnh dôm tơ drong găh tơ drong jang vei lăng sơ đơ̆ng teh đak, mă loi ‘noh jĭ tơ lĕch dôm tơ drong hlôh vao ‘nao, đon tơ chĕng ‘nao găh vei lăng Teh đak.

Thuem: Tơ blơ̆