VOV4.Bahnar - Pơ gê ‘năr 10/5, tơ̆ Hà Nội, kơ hrĕng hŏk tro rim jăl vang pơm Lêh tơ lĕch jang Năr cham char păng pơ jao tơ mam hơ păh Khei Pơ ma ưh hăm nhươ̆ yua 1 ‘măng. Sơ năm sơ̆, Anih tơ roi tơ băt tơ mam drăm cham char, Anih tơm vei lăng găh tơ mam drăm cham char hlôi jang hơ dai hăm Anih vei lăng pơ tho pơ hrăm pơ lei tơm Hà Nội, hơ năn tơ mam Nestle Milo Việt Nam tơ lĕch jang jơ nei tơ drong jang “Khei pơ ma ưh hăm như̆ơ yua 1 ‘măng” păng Tơ drong pơ long hơ gei găh cham char “Yua kơ 1 cham ngôi pơ chơt Việt Nam hơ iă păng rơ goh”.

Lêh tơ lĕch jang “Năr cham char” sơ năm 2022

Khŭl pơ gơ̆r jang hlôi iŏk đei hloh 3 rơ bâu ƀai pơ long đơ̆ng hloh 500 hnam trưng hŏk lơ̆m teh đak. Dôm jơ hŏk pơ tho găh cham char, dôm tơ drong jang chhơ̆ rup vang pơ long, tơ drong jang tơ plih tơ mam hŭt iŏk tơ mam yua, dôm tơ drong jang pơm ming đơ̆ng đơ̆ng dôm tơ mam đĭ hŭt lơ̆m ŭnh hnam hlôi sơng đei tơ drong jang kiơ̆ đơ̆ng lơ hŏk tro rim jăl hŏk.

Thuem: Tơ blơ̆