VOV4.Bahnar -  Tơ băt 97 sơ năm Hla ar chih kơ tơ̆ng ang Kach mang Việt Nam pơ gê ‘năr 21/6, tơ̆ Hà Nội, Anih tơ roi tơ băt Trung ương, Anih tơm vei lăng găh tơ drong kơ tơ̆ng ang păng tơ roi tơ băt, Khŭl chih hla ar tơ roi Việt Nam, Hla ar tơ roi Kon pơ lei jang hơ dai pơ gơ̆r lêh tơ lĕch jang pơ jei băl ‘ Pơ jing anih bơ̆ jang gơh hơ gei ‘lơ̆ng hơ iă lơ̆m rim anih jang chih hla ar kơ tơ̆ng ang yak truh Tơ băt 100 sơ năm Năr Hla ar chih kơ tơ̆ng ang kach mang Việt Nam (21/6/1925 – 21/6/2025).  Lêh tơ lĕch jang vă hơ tŏk ‘lơ̆ng đon hlôh vao, jang tơ năp đơ̆ng kơ dră đảng, khŭl jang đảng, kơ dră chĕp kơ̆l anih chih hla ar kơ tơ̆ng ang, bơ ngai jang chih hla ar tơ roi găh anih dơ̆ng, hơ năp jang, tơ drong gĭt kăl đơ̆ng tơ drong gơh hơ gei ‘lơ̆ng hơ iă hăm tơ drong hơ tŏk tơ iung teh đak, kŭm nhen tơ drong hơ tŏk tơ iung đơ̆ng rim anih jang chih hla ar kơ tơ̆ng ang, kơ jă kăp gĭt đơ̆ng dôm ƀai chih hla ar kơ tơ̆ng ang păng bưng ai đơ̆ng bơ ngai jang chih hla ar tơ roi. Tơm ‘noh jĭ pơ jing anih jang chih hla ar kơ tơ̆ng ang gơh hơ hei ‘lơ̆ng hơ iă, bơ ngai  jang chih hla ar tơ roi gơh hơ gei ‘lơ̆ng hơ iă, pơ trŭt păng păr ang tơ drong jang kiơ̆, vang jang ‘lơ̆ng, pơm tơ drong jang pơ jei băl ‘lơ̆ng hơ iă vă kơ rim anih jang chih hla ar kơ tơ̆ng ang bơ̆ jang kiơ̆ ‘lơ̆ng hơ năp jang, tơ drong arih đơ̆ng hla ar chih kơ tơ̆ng ang kach mang lơ̆m vei răk, pơ jing păng hơ tŏk tơ iung tơ drong joăt ‘lơ̆ng hơ iă Việt Nam hơ gei, ƀĕnh tơ drong ‘lơ̆ng rŏ hơ drĕch hơ drŭng.

Thuem: Tơ blơ̆