Tơ̆ lêh tơbăt, Kơdră Kuô̆k hô̆i Trần Thanh Mẫn pơtruh nơ̆r, mă lơ̆m rim tơdrong đei ƀôh ayơ, khul linh Vei sơđơ̆ng jang tơbôl athei jing khul jang tơguăt kơjăp hăm Đảng, Teh đak păng kon pơlei, athei vei sơđơ̆ng pơkăp tơdrong pơgơ̆r kơjăp, kơtă, tôm tơdrong kơ Đảng, kơtă noh Đảng uy Kŏng an Trung ương păng kơdră Hơnih tơm Kŏng an; jang atŭm kơjăp hăm hơnih jang đei tơrĕk.

Kơdră Kuô̆k hô̆i tơrĕk hăm khul jang Kŏng an kon pơlei pơma atŭm păng khul linh vei sơđơ̆ng jang tơbôl pơma hơdrô̆ athei pơm jang 'lơ̆ng tơdrong jang đei pơjao lơ̆m tơdrong jang apŭng plenh teh păng tơplih kơmăi kơsô̆ kơtang hrei ou. Tang măt ăn kơ Đảng, Teh đak, Kơdră Kuô̆k hô̆i Trần Thanh Mẫn hlôi pơjao Mê đai Hồ Chí Minh pôk ăn khul linh vei sơđơ̆ng jang tơbôl hlôi pơm jang hơgei tơgop ăn tơdrong jang kăch mạng kơ Đảng, kơ kon pơlei.